اے وی سی سی اور گھوٹکی پولیس نے مشترکہ کارروائی کے دوران تین مغویوں کو بازیاب کرا لیا۔
پولیس کے مطابق پولیس مقابلے کے بعد 3 مغوی بازیاب کرا لئےگئے۔
اس حوالے سے پولیس نے بتایا کہ ایک شخص کو کراچی، 2 کو گھوٹکی سے اغوا کیا گیا تھا۔
پولیس کا کہنا ہے کہ مغویوں میں نذر ابڑو، سبحان اور جاوید عمر صدیقی شامل ہیں۔
تفصیلات بتاتے ہوئے پولیس کا مزید کہنا تھا کہ ملزمان مغویوں کو کچے کےعلاقے میں لے گئے تھے۔