کراچی میں دن دیہاڑے ڈکیتی کی وارداتوں میں تیزی سے اضافہ دیکھنے میں آ رہا ہے، کورنگی میں پیش آئے ڈکیتی کی واردات کی سی سی ٹی وی ویڈیو منظر عام پر آ گئی ہے، جہاں ڈاکوؤں کو باآسانی واردات کرتے دیکھا گیا۔
کورنگی صنعتی ایریا میں ڈاکو بینک کے احاطے سے نو لاکھ روپے لوٹ کر فرار ہوگئے تھے۔
تاہم واقعے کی سی سی ٹی وی ویڈیو آج نیوز نے حاصل کر لی ہے۔
واقعہ 19مارچ کو دوپہر ایک بج کر 30 منٹ پر پیش آیا تھا۔
جبکہ ویڈیو میں دیکھا جا سکتا ہے کہ بینک کا گارڈ پُرسکون انداز سے ڈکیتوں کو واردات کرتے دیکھتا رہا۔
جبکہ شہری لُٹتے رہے، تاہم ڈاکوؤں کے فرار ہونے کے بعد گارڈز نے فائرنگ کی۔