اسلام آباد ہائیکورٹ نے توہین عدالت کیس میں ڈپٹی کمشنراسلام آبادعرفان نوازمیمن کو مس کنڈکٹ کا مرتکب قراردیتے ہوئے 6 ماہ قید کی سزا سُنا دی۔
تھری ایم پی او آرڈر توہین عدالت کیس میں سابق وفاقی وزیر شہریار آفریدی اورشاندانہ گلزار کی غیر قانونی گرفتاریوں کے کیس میں عدالتی حکم عدولی پر ڈی سی اور ایس ایس پی آپریشنز کیخلاف محفوظ شدہ فیصلہ اسلام آباد ہائی کورٹ کے جسٹس بابر ستار نے سنایا۔
یہ فیصلہہ 21 اکتوبر کو محفوظ کیا گیا تھا
عرفان نواز میمن پی ٹی آئی کے سابق وفاقی وزیر شہریار آفریدی اورشاندانہ گلزار کی غیرقانونی گرفتاریوں کے کیس میں توہین عدالت کا سامنا کررہے تھے۔
اسلام آباد ہائیکورٹ نے محفوظ فیصلہ سُنایا ہے۔
ڈپٹی کمشنر اسلام آباد کی فوری گرفتاری اور نام ای سی ایل میں ڈالنے کے احکامات جاری
ڈی سی اور آئی جی اسلام آباد، ایس ایس پی آپریشنز اور ایس پی صدر عدالت میں پیش ہوئے۔
فیصلے کے مطابق ڈپٹی کمشنراسلام آباد عرفان نوازمیمن اور ایس ایس پی آپریشنز ملک جمیل ظفر توہین عدالت کے مرتکب قرار پائے ہیں۔
عدالت نے ڈپٹی کمشنر اسلام آباد کو 6 ماہ قید کی سزا اورجرمانہ جبکہ ایس ایس پی آپریشنز کو 4 ماہ جیل اورایک لاکھ جرمانے کی سزا سنائی ہے۔
ایس ایچ او کو بھی 2 ماہ جیل اورایک لاکھ جرمانے کی سزا سُنائی گئی جبکہ ایس پی صدرکو توہین عدالت کیس میں بری کردیا گیا ہے۔
اسلام آباد ہائیکورٹ کی جانب سے عدالتی حکم کی کاپی وزیراعظم پاکستان کو بیھجنے کی ہدایت کی گئی ہے۔