چیچہ وطنی تھانہ کسووال کی حدود پانچ چودہ ایل میں تہرے قتل کی لرزہ خیز واردات سنگ دل ماں نے تین بچوں کے گلے کاٹ کر قتل کر دیا۔ پولیس نے بچوں کی ماں کے خلاف والد کی مدعیت میں مقدمہ درج کر لیا۔
ایف آئی آر کے مطابق بیوی شوہر سے اکثر لڑتی تھی اور علیحدہ گھر کا مطالبہ کرتی تھی۔ ماں نے گزشتہ رات اپنے بچوں کو بے دردی سے قتل کر کے خود زہر پی لیا تھا،
پولیس نے جاں بحق ہونے والے بچوں کی نعشوں کو پوسٹ مارٹم کے لیے ہسپتال منتقل کردیا، قتل کئے جانے والے بچوں میں 8 سالہ عیشا، 6 سالہ سعدیہ اور 2 سالہ فرقان شامل ہے۔ علاقہ میں سوگ کی فضاء اور عزیز و اقارب میں شدید غم و غصہ پایا جا رہا ہے، آر پی او ساہیوال نے واقعہ کا نوٹس لے لیا اور ڈی پی او ساہیوال سے رپورٹ طلب کر لی ہے
